Lu cummattimentu di Milazzu vitti affruntarisi ntô 888 na flotta bizzantina cu na flotta di mussurmani di Sicilia, ntô mari di Milazzu. Li mussurmani all'èbbica duminavanu la Sicilia e la ncursioni bizzantina avìa comu scopu di cuntrastari lu duminiu mussurmanu, ma puru di priviniri li friquenti ncursioni mussurmani ntô sud di l'Italia e n particulari n Calabbria e ntâ Pugghia, riggiuni ancora sutta cuntrollu bizzantinu.
Secunnu funti bizzantini e mussurmani cuncurdanti, ci foru tra 5000 e 7000 morti, principarmenti di parti bizzantina.